|
| 成日都見到有好多人唔理交通燈號, 見到無車就衝過馬路. 健全既人倒也罷了, 見到有車衝快兩步就可以. 但係有d行動不便既人, 又或者係行動遲緩既老人家, 真係望到都一額汗......今日於一個繁忙既十字路口, 見到一個老人家, 要用輔助器行路, 速度非常之慢, 但係佢一行到去路口, 就已經直行左出馬路 (當時係紅燈), 完全無停o係路邊望下路面情況既意思. 行左出馬路兩步, 先望下有冇車, 見無車就繼續前進. 我望到都真係為佢擔心. 以佢咁慢既速度, 就算過既時候無車, 行到一半都一定有車啦, 結果如我所料, 不過好彩司機夠專心, 見到佢而駛慢d, 最後佢都平安過左馬路. 呢d情況真係成日都見. 到底佢地係高估自己既速度, 覺得自己夠時間過, 定係倚老賣老, 篤定司機會讓佢地呢?? | | |
| 呢三日supervisor出左trip, 以為有幾日安靜日子過, 點知, 往往都係事與願違........ 呢幾日見唔到佢個人, 但係佢唔係send email俾我, 就係直頭打俾我, 搞到我成日要昅住個email, 一見到就要即刻覆, 一聽到電話響都有d驚. 佢個人唔o係度, 但係我依然感受到佢無處不在......我可以清靜既時間, 應該只有佢搭飛機既時候 | | |
| 原來幾個月無寫過xanga la, haha, 愈來愈懶 剛剛去左2日1夜長州trip, 最近返工壓力好大, 所以去個trip感覺好refresh~ 呢個trip plan左好耐啦, 原本只係諗住三個人去, 但係三個人唔知點解都咁難就時間, 原本係想慶祝我戒口完畢甩難, 但係一拖再拖, 都已經唔係個回事~ 去度假當然係食食食, 由下晝食到夜晚. 先係魚蛋粉, 夜晚就食海鮮今次個trip做晒所有我想做既事, 去左海灘游水, 傍晚時分去, 一d都唔曬, o係個海度載淨載沉, 感覺超正, 2位美女仲不停咁影相留倩影. 游完水去食晚飯, 入得長州梗係食海鮮啦. 五個人叫個六人餐, 然後因為瀨尿蝦賣晒, 有人又好想食, 所以去左海鮮檔買左一斤交俾餐廳煮, 叫到成檯都係野食, 魚蝦蟹樣樣齊, 真係好開心. 好耐未試過食海鮮食得咁盡興啦~ 原本仲怕食唔晒, 但最後都成功清檯, 勁呀! 好耐未試過玩得咁盡興啦, 好期待下一個trip, 我要keep 住 relax呀!! | | |
| 終於都等到6月27號, 可以隨心所欲咁食野~ 戒口戒左一個月, 真係好辛苦......好多野都無得食, 得個睇字. 好彩有班弟兄姊妹撐住我, 幫我禱告, 又同我去食d食得既野, 仲不斷鼓勵我~. 而家終於都捱完, 可以放監啦~ yeah~ 我要食好多好多好味既野, 彌補我呢段時間既損失~ | | |
| 轉眼間, 六四已經二十周年 學柴九所講, 人生有幾多個十年? 而六四, 原來已經二十年. 年輕的, 好多都不知道發生了甚麼事. 亡四時我只有幾歲, 記憶真的不多. 只記得在電視中看到有很多大哥哥, 頭上縳著寫上絕食的布條, 然後就是坦克車, 還有渾身是血的人被人抬著走. 二十年了, 時移勢易, 好多事都改變了. 當年支持學運的人, 變成支持中央當年的鎮壓. 但也有一些人一些事, 經過時間的洗禮, 還是不會變. 就好比我媽媽. 二十年前是一個不問世事的家庭主婦. 但是六四時, 天天追看新聞, 留意事態發展. 這個習慣一直保留到現在. 每逢到新聞的時間, 都會自動自覺開電視. 如沒時間看午間新聞, 就看六點半, 如沒時間看六點半, 就看晚間新聞. 一天總要看一次, 因為她要知道這個世界在發生甚麼事. 最近有很多人走出來, 說六四沒有屠城, 只是鎮壓, 天安門沒有死人, 學生領袖要為這樣的結果負責等. 我對這些報導有點厭惡. 無論如何, 政府出動軍隊, 坦克, 開槍殺害學生平民是事實. 長安大街死很多人也是事實. 到底算不算屠城, 是天安門廣場死人,還是長安大街或其他地方死人, 都無改政府殺害平民的事實. 公道自在人心. | | |
|
